Kohok-Kohok (Pasalakan, Salang Summut) | Pagkakan Sama Recipe

Ōn balatu itu kohok-kohok atawa pasalakan ma Sinama kasehe'an.

Ōn balatu itu kohok-kohok atawa pasalakan ma Sinama kasehe’an.

Saga kagunahan:

  • 1 kilu Tirigu
  • ½ kilu Sokal pote’
  • 3 nt’llo (iklug)
  • 2 putus Tang (manjari isab Royal)
  • Bohe’
  • 2 litro Ns’llan lahing
  1. Subay nilamugay tirigu, sokal, nt’llo, maka tang ma undam-undam.
  2. Maglamud pa’in tirigu, sokal, nt’llo maka tang, subay binohe’an.
  3. Bang asakap na bay niaddun itu, pinasu’ na n’sllan ni kaha’ ma lapohan.
  4. Bang apasu’ na ns’llan, pat’nna’un basi’ kohok-kohokan ni ns’llan bo’ pinasu’.
  5. Bang sarang-sarang pasu’na t’nno’in kohok-kohokan ni addun. Subay tin’no’an min duwa sampay amikit na addun ni  kohok-kohokan.
  6. Nihūg na addun ni ns’llan ma kaha’.
  7. Bang akeyat-keyat na addun, haunin na min ns’llan bo’ mbal atunu’.
  8. Subay ginawgaw addun sat’ggol masi magb’lla bo’ mbal patuwas.
  9. Ya na ilu kohok-kohok.

Pahati:

  1. Subay mbal apasu’ to’ongan basi kohok-kohokan bo’ mbal amakpak addunna.
  2. Tau’un ya kohok-kohok ma balde bang aringin na, bo’ sinaoban ati mbal alomo-lomo.

One Response

  1. Pasalakan – Wahana Cirebon
    Pasalakan – Wahana Cirebon April 7, 2017 at 3:14 am |

Ai tabissalanu? Feel free to comment.

Skip to toolbar