Aniya’ h’lling bagayku ma wordpress site-na buwattitu: “Alungay Bissala, Alanyap na Bangsa.”  B’nnal h’llingna ilu. Angkanna bang ma aku, bang akosog bissala (Bahasa Sinama), aga’os isab Bangsa.  Ma waktu tagna’ aniya’ saga paltanda’an pangilahan saga linguists bang masi akosog  bahasa dakayu’ bangsa. Ai baha’ saga paltanda’an itū? Ya na itu:

  • Aniya’ saga būk tasulat ma bahasa sigām maka aniya’ isab radju ma bahasa inān.
  • Bang bahasa sigām niusal ma tabu’, ma luma’, ma iskul, maka ma langgal.
  • Bang aniya’ saga kalangan baha’u ma bahasa itu.

Kamemon itu paltanda’an masi akosog dakayu’ bahasa.  Buwattina’an pagga yukta “high-tech” na patahunan itu, subay lagi’ ginanapan duwa paltanda’an pangilahanta akosog masi dakayu’ bahasa:

  • Kaissana, bang magtext saga a’a ma bahasa sigām ma cellphone
  • Karuwana, bang bahasa sigām niusal ma internet, ma facebook, ma youtube, maka ma saga website kasehe’an.

Ma tahun 2008 aniya’ bay palniyatanku angahinangan Bangsa Sama website ma internet.  Kabaya’anku website itu “Community website” bo’ supaya magtipun saga kasamahan min saddi-saddi lahat ma kaluha’an dunya.  Sinama isab ya bahasa niusal ma website itu. Subay du isab aniya’ saga video ma bahasa Sinama maka saga patta’ min Lahat Kasamahan. Kabaya’anku to’ongan aheka kasamahan tahinang member ma website itu maka makapagsuli-suli sigām ni saga pagkahi sigām Bangsa Sama.
Bang ma bistahanku, halam gi’ asampulna’  palniyatanku. Sogō’ minsan mbal gi’ aheka member Sinama.org, kinōgan aku sabab aniya’ tabākku ma internet saga kasamahan bay angahinang community website sigām ma bahasa Sinama.  Angkan minsan mbal pinabantug Sinama.org., pabantugku saga website sigām bo’ supaya sai-sai amassa sulatku itu makajari na ameya’ ma saga group maka website sigām.
Magtagna’ aku ma saga umpigan Kasamahan ma Facebook.

Facebook Groups for Sama PeopleTabawanians Sama Tabawan Facebook Group

1. Tabawanians | Duma’inka aku a’a  Tabawan.  Aniya’ saga bagayku a’a min Tabawan maka aheka isab lahasiya’  h’ndaku minnē’ angkan aku bay ameya’ ma group itu.  Aheya pagaddatku ma sigām sabab proud sigām ma lahat sigām, ma bangsa sigām maka ma bahasa sigām.  Minsan Bangsa Sūk, bang ma Tabawan, magsinama du isab.  Ma umpigan itu, minsan kasehe’an sigām bay na paluwa’ min lahat Pilipin, masi sigām bilahi anabang ma bangsa sigām maka ma lahat sigām.
Bahasa Group itu: English, Sinama, Melayu
Pila member: 261 (2-19-13)
Bajau Community Facebook Group
2. Bajau Community (Semporna, Sabah) | Umpigan itu aheya min kamemon Kauman Sama ma internet.  Labi araran sigām magmalayu min magsinama sogo’ addat Sama sigām.  Aniya’ isab tabākku ma umpigan sigām saga stori ma bahasa Sinama maka patta’ beya’ maka sulatna ma bahasatam Sinama.
Bahasa Group itu: Melayu, Sinama
Pila member 3,787 (2-19-13)
Anything About Sama Banguingui' Facebook Group
3. Anything about Sama Balanguinguih | Ariki’ du umpigan itu sogo’ ahāp bang paheya.  Ya pagsuli-suli saga Kasamahan ma umpigan itu pasalan history Lahat Pilipin maka saga ai-ai ma pasalan bangsa sigām, Sama Banguingi’.
Bahasa Group itu: English, Tagalog, Sinama
Pila member 51 (2-19-13)
Tawi-Tawians Sama Facebook Group
4. Tawi-Tawians(Sama)Group Chat | Bang aniya’ talistaku umpigan ma saga Bangsa Sama Banguingi’, aniya’ isab ma saga kasamahan min Tawi-Tawi.  Ya itu umpigan saga a’a min Tawi-Tawi.
Bahasa Group itu: Tagalog, Sinama
Pila member 292 (2-19-13)
 
5. Kamus Bajau | Araran aniya’ saga post min admin maitu.  Magsinama maka magmalayu saga a’a ma umpigan itu.
Bahasa Group itu: Sinama, Melayu
Pila Member: 897 (2-19-13)
 
6. Madrasa Bahasa Sinama | Ya sara’ karuwana ma umpigan sigām: Bang ka mag-post subay Bahasa Sinama.  Angkan ahāp to’ongan umpigan itu ma sai-sai bilahi anganad ma pasalan Agama Islam pasal aniya’ saga hadith maka ayat min Kura’an bay sinalin ni Bahasa Sinama.
Bahasa Group itu: Sinama, Arabic
Pila Member 139 (2-19-13)

Other Facebook Groups:

Websites for Sama People

MyTabawan.webs.com Sama Website ma Internet1. MyTabawan | Baha’u website itu.  A’a min Facebook Group Tabawanians ya bay  angahinang MyTabawan.
Website Features: Blog, Chat, Photo, Forums
 
 
 
Tawi-Tawi Patriots Sama Website
2. Tawi-Tawi Patriots | Halam na website itu.  Ahāp bay gara’ tagdapū  Tawi-Tawi Patriots.  Kaugun halam bay pinalanjal.  Buwattina’an halam aniya’ tagdapū website itu.  Bang ka bilahi, makajari ka am’lli min website grou.ps.
Website Features: Members, Blog, Chat, Photo, Videos, Forums
 
 
BangsaSama.net Website for Sama Tawi-Tawi Online
3. Bangsa Sama (Sama Tawi-Tawi) | Kamemon website itu tasulat ma Bahasa Sinama Tawi-Tawi.
 
Website Features: Dictionary, Photos, Videos, Kitab, Other Sinama Writings
 
 
Lumah Ma Dilaut Website
4. Lumah ma Dilaut Blog | Blog min Lumah ma Dilaut, dakayu’ NGO maghinang ma Sambuwangan. Saga sulat sigām ma pasalan politics maka education.
 
 
 
 
Kauman Sama Online (Website Itu) | Favorite Website kami ma Bahasa Sinama.
Website Features: Dictionary, Members, Photos, Music, Videos, Teaching on Writing Sinama, Software, News

Saga Youtube Account Bangsa Sama ma Internet

CherishMoments536               143 SMS               Aljibkhan Ladjahiran              Kauman Sama Online

Bilahi Kam Anabang?

Bang ka kabaha’uwan ma saga website itu ati kabaya’annu isab subay pinabantug Bangsa Sama maka Bahasa Sinama ma internet, kalu bilahi ka angahinang website ma Bahasa Sinama.  Makajari kami amuwanan ka’a URL bo’ ka angahinang website.  (Saupamana bang address website-nu:  tawi-tawi.sinama.org, siasi.sinama.org, pangigal.sinama.org, usulan.sinama.org).
Bang aniya’ website halam talistaku maitu, bā’in pa’in aku bo’ tapaganapku.
Bang aniya’ isab subay pinahāp atawa nihinang ma website kami Sinama.org supaya labi aheka kasamahan ameya’ atawa pasōd ni website itū, bā’in isab kami.
Ya na itu waktu subay pabantugtam Bangsa Sama ma Internet!
 

2 thoughts on “Pagtipunan Bangsa Sama ma Internet

Ai tapah'llingbi pasal itu?