₱5,000 ma pasalan 5,000 likes PROMO
Ma pasalan 5,000 likes ma page kami itu, amuwan kami saga daꞌugan halgaꞌna angabut ₱5,000 boꞌ pasong ya pagguna Sinama ma internet. 30 aꞌa sadja ya makajari angandaꞌug. Ubus sai-sai makarahū, angandaꞌug ka basta ka ameyaꞌ ma saraꞌ promo itu.
Buwattingga ka makaꞌāꞌ daꞌugan itu?
Angahinang ka account ma Sinama.org aubus angahinang isab sulat (post) ma Sinama.
- Subay Sinama ya sulatnu. Makajari Sinama Deya atawa Dilaut, Sinama Bangingiꞌ, Siasi, Pangutaran, atawa Tawi-Tawi, basta Sama iya.
- Subay angabut 300 kabtangan tahaꞌ sulatna boꞌ makajari angandaꞌug.
- Mbal kami makapabeyaꞌ sīn ni Malaysia atawa ni bangsa saddī. Hatina, subay ka maitu ma Pilipin atawa subay aniyaꞌ kampungnu maitu boꞌ sigām na sadja anambut ya daꞌugan.
- Makapabeyaꞌ kami ya daꞌugan agtūy bang aniyaꞌ G-cash-nu, Bank Account, atawa bang load ya sambutnu ma daꞌugan. Makapabeyaꞌ isab kami ma Palawan Pawnshop sogoꞌ subay ka angagad sampay aniyaꞌ na jukup 30 aꞌa angandaꞌug.
- ₱250 daꞌuganna ma 10 puhuꞌ ya makarahū min kaseheꞌan angahinang sulat sigām ma website.
- ₱150 daꞌuganna ma 10 puhuꞌ ya pasunuꞌ angahinang sulat sigām ma website.
- ₱100 daꞌuganna ma 10 puhuꞌ ya damuli angahinang sulat sigām ma website.
- Makajari ka palanjal anulat ma website kami minsan min pila na sogoꞌ ma promo kami itu, mintꞌdda du ka makajari angandaꞌug.
- Makajari angandaꞌug ai-ai na sulat basta ahāp ya pinagsuli ma sulat. Bang ka anulat pasalan ai-ai min saga suli itu maka beyaꞌnu saga saraꞌ itu min diyataꞌ, siguru ka angandaꞌug.
Itu na saga suli ahāp ma sulatnu:
Ai bang ma kaꞌa ahāp ma pasalan lahatnu porol?
Sai dakayu’ Sama ahāp suntuꞌan ma bangsa Sama? Ai bay nihinang e’na ahāp?
Kissa, kata-kata, atawa usulan min kamattoꞌahan.
Ai dakayuꞌ addat-tabiꞌat bangsa Sama ahāp maka pabiddaꞌ min bangsa kaseheꞌan?
Ai usulan lahatnu porol?
Ai dakayuꞌ pagusaha tasaksiꞌnu tagnaꞌ ya halam agon aniyaꞌ buwattinaꞌan? Buwattingga nihinang?
Ai saga hinang makajari nihinang bangsata boꞌ mbal alungay addat-tabiꞌattam?
Ai saga hinang makajari nihinang boꞌ mbal alungay bahasatam?
Ai habal min lahatbi porol ma buwattitu?
* Bang asabul atawa alumuꞌ sulatnu. Nilaꞌanan na sadja sulatnu. Kalu nilaꞌanan isab account-nu.
