Kissa Dambilasan
Aniyaꞌ itu story, ya story itu kissa, duwangan sigā dambilaꞌsan, magusaha kaut. Sōꞌ ya pagusahaꞌan itu line saliꞌ takut Tiyanggi itu ba. Sōꞌ ya duwangan inān, makahati na ka, ya saliꞌ bangsata Sama itu, saliꞌ taga ignorante.
Yukna, “Dāng anginamban ka, amutu ka, ananglag ka.”
Mbal angandol ma pinutu, subay ya binamban. Mbal angandol bang binamban, subay waꞌi ananglag. Na, ananglag na ba palutuꞌ, atulak sigā. Magpꞌssi.
Pagtulak itu, “Oy na dalasta lꞌkkasta na.”
Atꞌkka na-i takot sigā, sambil magpꞌssi na sigā. Ahekaꞌ na saga taꞌāꞌ sigā raing. Magbowa sigā asin. Pasal pangasin daing inān.
“Bilaꞌ, bowata piꞌingga raing itu?”
“Bowata ni Sambuwangan. Ahalgaꞌ amꞌlli.”
Binowa ni Sambuwangan ya raing inān. Pagbowa Sambuwangan inān, Atꞌkka na sigā ni Sambuwangan īꞌ.
“O Bilaꞌ, buwattingga panyapta īꞌ?”
“Bilaꞌ ya asin ilu, daꞌa tauꞌta ma bangkaꞌ.”
“Pasal Sama Sambuwangan ilu… yuk istory magtangkaw asin.”
“Ā, na piꞌingga tauꞌta?”
“Hūgta ni tahik. Tauꞌta ni batu ilu.”
“Ahoꞌ. Hatina, mbal taꞌndaꞌ eꞌ sigā, waꞌi ma tahik.”
“Ahoꞌ āꞌ. Pikilan ka, Bilaꞌ.”
Ahoꞌ, waꞌi na nihūg ni tahik. Aniyaꞌ pandogana bahasa ba.
“Na Bilaꞌ, waꞌi na asin ēꞌ tatauꞌta.”
Patandan na sigā. Pagtandan inān dalasku, na tabꞌlii na ba daing inān pehēꞌta na.
“Bilaꞌ piꞌingga giꞌ kita?”
“Bilaꞌ, anōd sini kita ba.”
Na anōd sini. Sogōꞌ pagsōd sini inān, Pinaluwas inān goyak maka baliyu. Magoyak ba, magbaliyu, magulan, ya ma sini inān. Dalasku pagsōd sigā inān…. Na kataꞌuwannu na hal saliꞌ sound na inān, style makagiluk-giluk. Paluwaꞌ na goyak, baliyu itu, alam amowa mognaꞌan. Daudugtul saga ni tingkōꞌan.
“Bilaꞌ, mbal manjari bangkaꞌta.”
“A na lahiꞌ-lahiꞌ, alam amowa mognaꞌan. Pasimay kam, bangkaꞌ kami alopot.”
Pagꞌndaꞌ, “Oy na Bilaꞌ, asawa ba lahat itu.”
“Saddī lahat mahēꞌ-i. Maggoyak Magbaliyu.”
Na, dalasku, halam na sigām pabīng.
“Piꞌilu na kita bilaꞌ, palūd.”
“Alaꞌat ma lahat-ēꞌ agoyak, magbaliyu, puwas ēꞌ tahik maitu itu tꞌddoꞌ.”
Dalasku aniyaꞌ ya ice cream ilu ahꞌlling. Kling, kling, kling.
Yuk Bilaꞌ inān, “Bilaꞌ amꞌlli ka ba mahꞌlling ēꞌ.”
Na, amꞌlli na. Pagbꞌlli inān, na kataꞌuwannu ice cream inān. Sinongan na. Na nggaꞌi saliꞌ pausbu aes ilu āꞌ.
“Apasuꞌ ai-ai.”
“Angay ilu bilaꞌ?”
“Apasuꞌ.”
“Na o angasu-ngasu laꞌa itu.”
Na aes ba ilu. Tiniyup. Halam pinakan. Pasal atāw aranglus. Bang pupud-i akaolang, “Magay kaꞌa-i Bilaꞌ?”
“Aranglus!”
“Arōy bilaꞌ, saddī kinakan itu. Angahumbu ati aringin!”
Na, halam takakan sigā. Na ubus ēꞌ-i yukna, “Bilaꞌ, ā pi’ilu na kita palūd pasal sali’ mbal kata’uwanta ma lahat ilu.”
Na palūd na sigā. Palūd na ni bangkaꞌ. Niꞌbbos na bangkaꞌ-i. Bahasa atulak na pabīng, Pagꞌbbos bangkaꞌ inān, “Bilaꞌ, na piꞌilu ka, ngāta sīnta-i.”
“Ā. Maꞌai bay pangahūganta batuꞌ-i.”
Oy na dangꞌllaw ligtung agpiha asin. Halam tabāk. Paghalam tabāk inān, “Grabe isab Sama Sambuwangan ilu!”
“Ma tahik na nihūg, tinangkaw giꞌ.”
Pagꞌndaꞌ inān, inaꞌan na pagūng karut-i. Ahoꞌ. “Bilaꞌ, oꞌō wal karut laꞌa.”
Na, ēꞌ atunaw. Halam ba ai-ai tinangkaw sagoꞌ waꞌi atunaw. Karupangan sigā ēꞌ nihūg ni tahik. Na mandēꞌ apuwas story.
- Video made with ElevenLabs Voice Changer
