Featured Members: Luke
Ōnku si Luke. Dumaꞌin ka ōn Sama ilu, sogoꞌ ōn Milikan. Webmaster aku ma Sinama.org sogoꞌ bang aku abeyaꞌ subay bangsa Sama kamemon ya tagdapu website bay hinangku itu.
Aꞌa minningga ka? Maraiꞌ tasayubi saliꞌ aloman-loman aku magpakilā dīku sabab dumaꞌin ka aku nianakan Sama. Milikan aku. Bay aku piꞌitu ni Pilipin boꞌ aku mag-internship ma linguistics maka ma community work. Maitu takilāku hꞌndaku angkan aku bay aminda ni bahasa Sinama min saddī bahasa. Minsan duma’in aku nianakan Sama, Sama du na aku sabab Sama hꞌndaku maka Sama isab saga anakku. Panduꞌan kami isab sigām magsinama. Proud toꞌongan kami ma bangsa Sama itu angkan mura-murahan aheka kasamahan pasōd ma Kauman Sama Online itu, boꞌ pabantugta Bangsa Sama ma katilingkal dunya.
Buwattingga bay magtagnaꞌ Sinama.org? Pagpoleꞌku ni U.S min internshipku maitu ma Pilipin, bay pihaku saga bagayku ma Friendster. Bay pihaku isab saga Moro Songs ma Youtube. Tandaꞌku, aniyaꞌ tuwi’ saga minority languages ma saga Social Network ma internet. Asal aniyaꞌ niyatku angahinang website ma .com atawa .org domain. Ahāp lagiꞌ aku angahinang website ma minority people group, ya halam aniyaꞌ websitena min ganapanku minsan la’a dakayuꞌ website ma laksaꞌan website ma bahasa Anggalis. Bay kami kinawin maka hꞌndaꞌku ma tahun April 2008. Ta’abut pa’in July 2008 bay aku angamuꞌ min hꞌndaku bang makajari birthday giftku website. Sinama.org itu bay bꞌlliꞌku. Pat’ggol-t’ggol pa’in taꞌanadku na bang buwattingga angahinang social network, sogoꞌ halam aku magtagnaꞌ anganad Sinama sambil tahun 2010. Duwantahun na aku anganaran bahasa sinama angkan ahāp-hāp na website itu.
Aniyaꞌ ‘Sponsor’ ma Sinama.org? Aku ya sponsor-na. Sīn kami maglakibini ya niusal angkan tabꞌlli website itu.
Ai kabayaꞌannu ma Sinama.org ma sinosōng? Kabayaꞌanku Bangsa Sama ya magmakōk ma Sinama.org. Bang aniyaꞌ saga aꞌa Sama kasulutan ma hinangku ubus tandaꞌku atuyuꞌ sigām anabang ma kauman Sama online itu, mura-murahan nihinang sigām Board of Site Managers ma sinosōng.
