Sangpūˈ maka lima bay amatay ma tunuˈ ma Tuguegarao City, Cagayan. Bay magtagnaˈ tunuˈ ma tinda saga motor. Magbihing hotel maka ma tinda bay katunuˈan angkan talapay hotel. Maka bang ma si Fire Senior Inspector Neil Caranguiang kulang panyap sigam angkan mbal sigam basta-basta makasōd ma deyom hotel bay atunuˈ. Ya ma deyom hotel saga bay angiskulan nursing. Siyam min sigam bay amatay, sangpūˈ maka lima makaluwas halam bay paliˈan sigam maka sangpūˈ maka duwa bay ahalol tabowa ni hospital. Ma deyom nnom jām tˈggol sin tunuˈ inān angabut saga duwampūˈ milyon bay magmula.
Pasunu Kuntara si Pacquaio
Magbissala giˈ disi Pacquiao bang sai pasunuˈ kinuntara eˈna. Saliˈ halam aniya tinōp pangutara ma iya. Bang ma kamemon saga aˈa ya bay fight si Pacquiao ma si Margarito ma 10 rounds ahāp bang bay na sadja pinahondong ni reperi Si Lawrence Cole pasal makaseˈ-aseˈ na si Margarito. Mbal na makajari bayhuˈna aheka na sidda butig na minsan 17lb buhatna min si Pacquiao. Mbal du iya angatu.
Mbal na tūy ya fight si Pacquiao maka si Mayweather pasalan aniya caso-na. Bay sinuntuk eˈna hˈndana maka saga anakna nilapay eˈna ya jaga dakayuˈ. Halam aniya du isab pūs fight si Pacquiao maka si Marquez bang ma si Bob Arum, promoter si Pacquiao. Makajari du pinapag-fight si Pacquiao kuntara ma si Mosley. Bang tinilaw bang sai ma sigam angandaˈug. Halam na aniya pangitaˈuku mailu.
Saga Asāˈ ma Bahaˈu Sīn Pilipinas
Aheka bay asāˈ kono ma bahaˈu sīn paluwas min Bangko Central ng Pilipinas. Magtagnaˈ sigam pinaluwas sīn inān bulan itu. Sinaddihan eˈ sigam walnaˈ togel blue naped parrot ma lima hatus sīn. Subay gadung walnaˈna sagoˈ biyaning ya bay tapatˈnna. Aniya du isab saga asāˈ ma mapa. Pinatˈnna Tubbataha reef ma mapa eˈ sigam 400 kilometers lawakna min toˈongan, agon ma lahat Malaysia. Kalu asāˈ du isab pagpatˈnnaˈ Saint Paul’s subterranean river maka halam aniya Batanes ma mapa.
Guna kami ya niōnan 'cookies' ma Sinama.org boꞌ labi abisa hinang website itu. Bang ka palanjal angangguna Sinama.org ya hati kami minnē' ok ma ka'a ya pagguna 'cookies' itu. Magsukul.TaimaꞌkuPrivacy Policy
mbal tagaga ah bangsa sama world wide known na.