Ma waktu tagnaꞌ bang halam aniyaꞌ nihinang eꞌ saga kamattoꞌahan atawa bang sigām hinabu pahali-hali, magtipun sigām boꞌ magtokod-tokod supaya aniyaꞌ kalasigan sigām. Tokod-tokod itū, sumaꞌan pinalabay min panilaw atawa kabtangan ya dī maꞌanana tinapukan. Bang pasān tokod-tokod itu tahinang saliꞌ dakayuꞌ ongkaꞌ. Na, aniyaꞌ saga waktu anulat kami tokod-tokod ma webpage itu atawa ma Facebook page Kauman Sama boꞌ kam makatokod. Bang aniyaꞌ isab saga tokod-tokod kataꞌuwanbi pabeyaꞌunbi ni kami ma FB messenger atawa ma e-mail. Bang ahāp, patꞌnnaꞌ kami ma webpage maka ma Facebook. Magsukul.
July 13, 2018
Tokod-tokod:
Sa heka-heka daing, daing ai duwa kōkna?
Sambungna/Maꞌanana:
Daing Peyad.
Source: Amat, Asmiaty, and Lokman Abdul Samad. “Bajau’s Tekodon: A Preliminary Study.” Journal of Educational and Social Research, vol. 3, no. 7, ser. 2013, Oct. 2013, pp. 445–459. 2013, doi:10.5901/jesr.2013.v3n7p445.
July 12, 2018
Tokod-tokod:
Bang llaw saliꞌ kalitan, bang sangom pahi. Ai itu?
Sambungna/Maꞌanana:
Tepo
Source: Facebook Page User Submission by Richard Muallil
July 11, 2018
Tokod-tokod:
Bang alawak saliꞌ motor bang asekot saliꞌ doktor. Ai itu?
Sambungna/Maꞌanana:
Hamaꞌ
Source:
Amat, Asmiaty, and Lokman Abdul Samad. “Bajau’s Tekodon: A Preliminary Study.” Journal of Educational and Social Research, vol. 3, no. 7, ser. 2013, Oct. 2013, pp. 445–459. 2013, doi:10.5901/jesr.2013.v3n7p445.
July 5, 2018
Tokod-tokod:
Maglombaꞌ lukuꞌ, tamban, maka lās-lās. Sai angandaꞌug?
Sambungna/Maꞌanana:
Angandaꞌug lukuꞌ. Minsan iya palukuꞌ pasōng na paꞌin. Tamban asal iya tamban. Lās-lās, asekot ni “last” angkan mbal du iya angandaꞌug.
Source:
Facebook Page User Submission by Shajid Koneji
July 4, 2018
Tokod-tokod:
Bang abataꞌ magbinadjuꞌ gaddung.
Bang aumul magbinadjuꞌ keyat.
Luwasanna sulgaꞌ.
Mareyomna nalkaꞌ.
Sambungna/Maꞌanana:
Lara.
Source:
Mahali, Saidatul Nornis Hj. “Tokad-Tokad Sama: Wisdom Through Traditional Expressions.” Perspectives on Bajau/Sama’ Diaspora, edited by Mohd Anis M Nor, vol. 13, Department of Sabah Museum, 2017, pp. 37–54. Sabah Museum Monograph.
July 3, 2018
Tokod-tokod:
Bang maglombaꞌ kagang, kanuꞌus, maka ullang, sai dahū?
Sambungna/Maꞌanana:
Halam. Dakayuꞌ dagan ni kīd. Dakayuꞌ dagan suhut buliꞌan. Dakayuꞌ maglaksuꞌ ni buliꞌan. Halam aniyaꞌ dahū!
Sambung Ahāp Isab min Daꞌayat:
Sambung si Sir Yhong Paber – Bang ma daing, dikayuꞌ sadja ma ramuli, ya na tamban. Minsan pamagaynu TAMBAN iya!
Source:
Mahali, Saidatul Nornis Hj. “Tokad-Tokad Sama: Wisdom Through Traditional Expressions.” Perspectives on Bajau/Sama’ Diaspora, edited by Mohd Anis M Nor, vol. 13, Department of Sabah Museum, 2017, pp. 37–54. Sabah Museum Monograph.